Во услови на растечка закана од насилен екстремизам ширум светот, регионот на Западен Балкан се соочува со значајни предизвици во поглед на општествената кохезија и стабилноста. Како и насекаде во светот, наративите за верска, крајнодесничарска и националистичка борбеност одекнуваат кај ранливата популација на млади во земјите од Западен Балкан, каде што историјата на етнички, верски и граѓански судири создала состојба којашто е ранлива на регрутација на терористи дома и во странство. Лица коишто отишле во други земји за да се борат покрај насилни екстремистички организации се враќаат во своите матични земји по загуба на територии на екстремистичките групи во Сирија и во Ирак. Истовремено, етнонационалистичкиот екстремизам продолжува да добива на сила и да се шири низ целиот регион.

Иако на некои од овие теми им е посветено поголемо внимание во тековната литература, други и понатаму остануваат недоволно истражени. Исто така, за постојните теми за истражување потребни се повеќе теренски истражувања и подлабока концептуална основа. Празнините во нашето колективно разбирање коишто се јавуваат како резултат на горенаведеното укажуваат на потребата за натамошни истражувања за развојот на општествената динамика и на динамиката на насилниот екстремизам на Западен Балкан. Поригорозни и повтемелени истражувања во врска со ова можат да помогнат за подобро информирање и унапредување на активностите за спречување и борба против насилниот екстремизам во регионот.

Во 2019 година, RESOLVE Network организира средба на локални и на меѓународни експерти, со цел да разговараат за празнините во истражувањата и да изработат прелиминарна листа на истражувачките приоритети заради спречување и борба против насилниот екстремизaм што прогресира на Западен Балкан. Темите коишто се идентификувани подолу ја одразуваат нивната колективна стручност, длабинското согледување и посветеноста на континуирана анализа на тенденциите и на динамиката на насилниот екстремизам во регионот.

 

Suggested citation:

RESOLVE Network. Истражувачки Приоритети: Краток Опис На Состојбата На Западен Балкан 2019. Washington, D.C.: RESOLVE Network, 2020. https://doi.org/10.37805/rp2020.5.wb.